( عندك , عندچ ) الجرأة و الشجاعة على الاعتراف بأسوأ طبع ( بيك , بيچ ) ؟
اذا چان الحچي عن اطباعنا الحلوة وصفاتنا الخيالية فحدث ولا حرج لان كل واحد يعرف شلون يمدح بنفسه " من يريد"
اذا بطرق مباشرة جدا مثل: -
"للشباب"
اني والله حباب وخوش ولد...
اني كريم و قنوع ...
و ما فد يوم اذيت احد...
وابد ما اكذب...
واراعي مشاعر الناس ...
"وللبنات"
اني حلوة...
وابد ما احچي ( أگص ) على احد ...
اني باقيلي طبع واحد واصير كاملة مكملة ...
اني اكثر صفة حلوة بيه اني كلي على بعضي حلو...
الخ الخ الخ الخ
وطرق غير مباشرة مثل: -
الكل يگول اني كلش حلوة...
و اني شخصية محبوبة جدااا...
اني ما اعرف شنو سر انجذاب الناس الي ...
شگد ما يجرحوني الناس بس ماادري ليش مااگدر اجرحهم ...
الخ الخ الخ الخ
والكل يعرف هذا المثل : - (من مدح نفسه ذمها )
وتعرفون شلون الواحد يصير مكروه من يمدح نفسه و خاصة من يبالغ بالمديح حتى لو صح انو هذي الصفات صدگ موجوده بيه
بس ......... منو الي صدگ يگول احسن واسوأ صفه بيه
وفوگاها اكو ناس حتى من يريدون يحچون على صفاهم "المحلوه" هم يمدحون نفسهم مثل : -
اني اسامح الناس بسرعــه...
اني اكثر شي اكرهه بية هو اني كلش عصبي …
الخ الخ الخ الخ
ومثل ما گلنا بالبدايه منو عنده الجرأة و الشجاعه حتى يگولنا شنو ابشع صفه بيه
وبلا هاي السوالف الي فوگ لان قديمه ومنو صدگ حاول يصلحهة ويحسن بشخصيته
(((((((((((((( مع العلم )))))))))))))
الكل يحچي على الي يمدحون بنفسهم و يگولون عليهم مغرورين
يله حبابين جاوبو بصراحه وترة كلش ازعل اذا مجاوبتو لان اني اريد نتقارب اكثر
ويصير منتدانا احلى و احسن منتدى
وان شاء الله يعجبكم الموضوع ................
الثلاثاء أغسطس 21, 2007 12:35 am
