شوفو سوالف البنات بالكليه ويه الولد

شوفو سوالف البنات بالكليه ويه الولد
ابنيه وزميلها بالكليه ديحجون حجي عادي
طبعا ما اسولفلكم الولد دايخ من الجذب قصدي من السوالف الي كاعد اتكولها البنيه
البنيه :

هاي اشلونك
الولد :

هلو عيني اشلونج انتي ان شاء الله زينه
البنيه :

الحمد لله شكو ماكو
الولد :

والله كلشي ماكو صافيه دافيه
البنيه :

والله ضوجه عفيه شنو هاي حتى ما اليه واهس كلشي اسوي

(( هيه مكضيه الليل كله بالغرفه و حايره شتلبس الصبح من اتروح للكليه عبالك راح يجوها خطابه ))
الولد :

حتى اني ما اليه واهس كلشي اسوي وتعبان كلش
البنيه :

والله تعبت من الوكفه عفيه اروح للكافتريا

(( خطيه اتريد تاكل براس الولد ))
الولد :

ها اي اي يله اروح للكافتريا

(( اي ادري شنو مماكله ابيتكم ))

دخلو للكافتريا وشايفين الكافتريا اشلون هوسه كلها كروبات واغاني
الولد :

شنو تاكلين عيوني
البنيه :

لا اني ما اكل بس اريد عصير
الولد :

اوكي
راح الولد يجيب عصير راني

الولد :

اتفضلي عيوني
البنيه :

شكرا
لق لق هاي يعني فتحو القواطي مال عصير راني
البنيه :

اشكد طيب هذا العصير طبعا بابا ايجبلنه اشكد صناديك من عصير راني

(( هيه مال صناديك راني))
الولد :

الف عافيه عيوني
طرن طرن دك التلفون مال البنيه ..

الو هلو مامي اشلونج حبيبتي لا عفيه مامي لتروحون لنادي الصيد اله اني اجي عفيه انتضروني

(( هيه حتى متندل نادي الصيد وين صاير بيا منطقه ))
البنيه :

هاي مامي اتكول احنه رايحين للنادي الصيد اكو حفله مال حسام الرسام
الولد :

اي عيوني روحي اتونسي غيري جو اشويه

(( اشكد جذابه هو حسام الرسام بعمان البارحه طلع لقاء وياه على قناة الشرقيه))
البنيه :

احنه كل سبت والاثنين واربعاء بنادي الصيد انروح نتونس
الولد :

اي عيني روحوا اتونسو

(( لك هاي شنو اني كاعد ويه ابنيه لو ويه مسيلمه هاي يطلع الفيل من حلكها يضرب جلاليق))
البنيه :

اكول انت وين اتقضي وقتك
الولد :

والله اني بين يوم ويوم اروح للقاعه مال الحديد اتمرن اشويه

لو اكعد ويه اصدقائي بكهوة ايوان نشرب نركيله

وارجع للبيت واكعد واسكت لو نكعد اني واصدقائي كدام الباب نضحك ونسولف
البنيه :

اي يعني زين اشويه تطلع اتشوف عالم اتغير جو
الولد :

انتي وين مكضيه وقتج
البنيه :

اني لما ارجع من الكليه اسبح

(( هوه المي صارله 3 ايام مكطوع ))

ومن اطلع من الحمام اشسور شعري

(( اشسور شعرها بالاوتي ))

وراها اذا الكهرباء مطفيه اخلي بابا ايشغل المولده الجبيره مالتنا

(( تايكر 4 امبير ))

وره ما ايشغل بابا المولد افتح السبلتات مال البيت لان منكدر بدون سبلتات

(( مراوح عاموديه ))
بعدين افتح الثلاجه احير شنو اشرب من عصير بس اني المفضل عندي الراني

(( شربت اجياس ))
وراها اكعد اقره اشويه واراجع المحاظرات

(( تقرى شكو مجله ))

وبعدين انام اكعد ساعه 6 ونص الصبح اغسل وابدل واجي للكليه

(( هيه تكعد ساعه 3 الصبح تبدي اسوي بروفات وعروضات وتبلط الشوارع مال وجها ))

يله اوكي شكرا على العصير

لان اني اريد اروح راح يجي عليه اخويه بسيارته الغواصه ياخذني واني اخاف ايسلبوه لان كلش غاليه

(( هيه كرونه مال معوقين سوتها غواصه ))

وعلمود هم اروح للحفله ما حسام الرسام
هجم بيت البانيه اشكد تنفخ
الولد :

اخذي راحتج عيوني وعود سولفيلي على الحفله

(( خرب بليسج اشكد جذابه ))

[color:0378=#339966:0378]بس مو يزعلون البنات ترى دا نشاقة

[/size][/center]

اياااااااااااااااااااااااااابه غير علسه عاااشت ايدك

انت مبقيت شي وتريدنة منزعل مو ؟؟
لا عادي هو مجرد شقة
شكرا عالموضوع وان شاء في تقدم مستمر

ههههههههههههههههههههههههههههههههههههاااااااااي
حلوة وردة ابراهيم

ههههههههههههههههه عاشت ايدك اوس بس اكو شغلة نسيتهه !! وية السوالف مال النادي والحفلة .. يدگ التلفون تي تي تي تي ((1100)) والبنية تگول اهووووووو هذا المصلح سواهه سالفة ؟؟ ال N95 مالتي صارلة 8 اشهر بالتصليح وأخذت الموبايل مال بيت استخدمة بين ميصير وهوة الN 95 مصارلة 4 اشهر من اجة للعراق

اشكر الجميع على هذا المرور الحلو وان شاء الله ماكو زعل كلنا اخوان