شرح طريقة تغيير قياسات الصور مع المحافظة على الدقة
3 مشترك
كاتب الموضوع
رسالة
ALD3LAG جديد
عدد الرسائل : 96 العمر : 37 تاريخ التسجيل : 04/07/2007
موضوع: شرح طريقة تغيير قياسات الصور مع المحافظة على الدقة الخميس نوفمبر 01, 2007 9:57 pm
مرحبا شباب وبنات شلونكم انشاء الله مرتاحين ... اليوم جايب موضوع شوية خاص بجماعة الأمبي فور وجماعة التلفون البوري الصيني يعني ال (( اني كول والبلوتوث والان اي سي والتلفزيون وما شابه )) ... ندخل بالموضوع .. البوري بالسالفة انه منگدر نشغل الصور بهذي الاجهزة اله اذا كانت قياساتهه محددة .. يعني هذه الشركة مسوية هذا التلفون وقياسات الصور بي لازم تكون فد رقم معلوم .. زين اذا احنة ردنة نخلي صورة من عدنة .. احتمال جبير تكون قياساتهه مو مثل ما مفروضة بالتلفون او الامبي فور ... اوكي ؟؟ فهذا الشرح هوة شلون نغير قياسات الصورة على القياس الي احنة نريدة ... اوكي وطبعاً هم راح اعلمكم شلون راح نعرف القياسات المطلوبة مال الامبي فور والتلفون البوري
اول شي
نگول ياااااااااااارب
وهسه اول شي لازم نعرف الابعاد الي احنة نريد نسوي الصورة مالتنة عليهه ... نروح هلى الصور مال الجهاز مالتنة (( امبي فور او اي تلفون )) ونشوف صورة تشتغل طبيعي بي يعني مثلا صورة ناخذههه بالكاميرا مال الجهاز او من الصور الاصلية مال الجهاز ونشوف ابعادهه شگد بشگد ؟؟ شلون ؟؟ اني اگلك ... بس وگف الماوس على الصورة ولاتدوس اي شي لا كلك ولا شي وشوف راح تطلعلك معلومات عن الصورة مثل ما راح تشوفهه هسه
أوكي ؟؟ وهسه عرفنة الابعاد مال الصورة الي نريد نحول بقية الصور مالتنة على قياسهه لازم اول شي ننصب برنامج اسمة ImageResizer وهذا البرنامج حملة من هذا الرابط
ومن يكمل تحميلة راح يطلعلك فايل مضغوط بس افتح الضغط مالتة بأي برنامج فتح ضغط يعني شلون ؟؟ اني اگلك بس دوس على الفايل كلك يمنة وبعدين اختار الأختيار هذا .. اذا بالعربي (( فك الضغط هنا )) واذا بالانگليزي (( Extrac hear )) ووراهه نصبة تنصيب مباشر مابي اي شي غريب ومن يكمل دوس فنش وهذا هوة وهوة يشتغل بوحدة بعد أوكي ؟؟؟ هسه نروح على الصورة الي نريد نغير قياساتهه وندوس عليهه كلك ايمن ونشوف هذا الاختيار ندوس علي كلك واحد
الخميس نوفمبر 01, 2007 9:57 pm
]
