واحد راح يخطب وحدة شوفوا شسوة

السلام عليكم ورحمة الله وبركاته
يلا خل اسولفلكم قصة بس اول شئ
الكل تجيب وياها جيس حب وماعون ونكعد كليتنة عل شكل دويرة .. اهم شي لحد يعلج ترة عيب ميصير اني احجي وغيري يعلج هسة نجي للقصة

يابة اكو شاب خوش ولد شاف بنية عجبتة بالسوك طالعة ويا امها فاول مشافها ظل يباوع عليها وهية هم تتباع علية ( يعني صار حب من اول نظرة ) ... لحكها اندل بيتهم
انتظرها رادها تطلع مرة لخ ماكو سال عليها بالمنطقة عرف كل المعلومات عليهة وطلعت البنية متطلع غير مرة بالسنة اربعة وعشرين ساعة بالبيت
فقرر ان يذهب لبيتهم ويخطبها لان هاي الطريقة الوحيدة حتى يشوفها
اجة يوم مشمس و صباح جميل ومشرق (وبوخة ) ودك الباب دكة خفيفة ( يعني نكول متوسط لو ميديم بعد انتو بكيفكم شلون تتخيلوها اتخيلوها هههه ) محد طلعلة انتظر شوية ودك مرة اللخ الباب مرة ثانية بس هل المرة شوية اقوة بلكت احد ينتبه من البيت وهم محد طلعلة ... راد يدك الثالثة رفع ايدة ليفوك وجان الباب تنفتح بسرعة وجان تجي ايد الولد بجتف الرجال ( الرجال هوة ابو الابنية ) السلام عليكم
والد الابنية : ميخالف مصار شي وعليكم السلام اتفضل ( بصوت خشن )
الولد : زاد فضلك عمي ,, تسلم الله يخليكم ويرحمكم
والد الابينة : تسلم يابة .. اتفضل رايد شي ( هم بصوت خشن)
الولد: عمو انتومو بيت ابو فلان الي عدكم محل بذاك الفرع الي ورانا
الوالد: اي يابا احنا كول اامر
الولد: لاعمو اني ابن ام فلان بس جايك بموضوع
الوالد يابا فوت للاستقبال وخل نشوف شنو تاليتك
الولد:عمو ما راح ادوخك ولا اضوجك اني جاي (جاي لو حليب) اخطب بتكم
االوالد:هههههههههههههههههههه زين انتة وين شايفهة
الولد :حجة القصة كلهة
الوالد:كله اوكي بس خل اول شئ نعرفكم على بعض ونشوف البنية تقبل بيك لو لا
اقترح والد الابنية ان يطلع ويا البنية يسولفون ويحجون وثاني يوم ياخذ الاوكي
اهنا الولدخطية فرح كلش كلش واتواعد ويا البنية ساعة 12 الظهر ياخذها لمطعم حلو ويتغدون ويشربون ازبري ويتمشون عل الكورنيش ورجعت البنية ساعة 4 العصر متونسة حيل

سألها والدها : ها شلونة الولد
البنية : يخبل يخبل ولا يوجد مثلة بستار اكاديمي
الوالد : ستار اكاديمي !!!! منو هذا ... ؟ ( عصبي كلش )
البنية : لا بابة لا هذا برنامج موسيقى مامة تشوفة
الوالد : وامج همينة ؟؟!!
البنية : اي بس انت مشايفة ,,, ( كلبت الموضوع ) والولد حيل يخبل بس بي عيب محلو
الوالد ( رادها من الله ) : اي كولي اني احجي ويا
البنية : الولد بس يعلج .. حتى من ياكل ورة الاكل يعلج ميجوز
الوالد ( ضاج ) : ميخالف باجر احجي ويا واكولة يبطل هاي السالفة
ثاني يوم اجة الولد وهو معتقد انه هايهية البنية الة وحيخطبها ويعيش وياها ودك الباب حيل من المرة الاولى فطلعلة والد الابنية بسرعة وخلا يتفضل بغرفة الاستقبال وبدة يحجون :

والد الابنية : انت بيك حاجة محلوة ومعجبتني
الولد : وشنهية عمي !!!!!!!!؟
والد الابنية : انت ليش تعلج 24 ساعة ؟
الولد : بصراحة اني ما اعلج لان ما اريد ارجع ادخن
والد الابنية : شنو جنت تدخن !!!! ( صار عصبي حيل (
الولد : اي كبل من جنت اشرب عرق
والد الابنية : وتشرب عرك همين
الولد : اني ما اشرب الا ان كنت ذاك الوكت محشش
والد الابنية : وتحشش همينة مو ؟
الولد : اني ما احشش الا ان اكعد ويا ربعي الي اتعرفت عليهم بالسجن
والد الابنية : لاااااااااا وهمينة مسجون ؟؟؟ وشنو قضيتك ؟؟
الولد : ابدا .. بس جنت قاتلي واحد
والد الابنية : ليش قتلتة ؟؟
الولد : شيف مخلاني اخطب بنتة وكللها اني ما اعجبها
كام والد الابنية وراح لبنتة وكللها : بنتي اني اشوف العلج مبي شي
وعاشو عيشة سعيدة

الامين العام لحزب العاطلين
عاطل مطلع سنون
aws

خخخخخخخخخخخ هاي خوش سالفه ع هيج كلكم سووها حتى محد يرفضكم
خخخخخ شووكرا ياعاطل ياابو سنون تسلم

ههههههههههههههههههههههه والله خوش فقرة حلوة تسلم دكتور عالطرفة

queen

هههههههههههههههههههههههههههههههه عاشت ايدك حلووووووووووه خخخخخخخخخخخخ تقبل مروري

ههههههه ويعه والله السالفه يسلموووو

شكرا لمروركم والله لايحرمني من ردودكم الحلوة

الامين العام لحزب العاطلين
عاطل مطلع سنون
aws

هههههههههه والله يا اوس عندك سوالف لك بابا روح اقرة

تحياتي

مبدع عدد الرسائل : 531 تاريخ التسجيل : 29/11/2007

هههههههههههههههههههههههههه
صدك هذا خوش عريس لكطة ماكو منة
يوم الالي بس مو هيج عريس
ههههههههههههههههههههههههههههههههه