السلام عليكم ورحمة الله وبركاته
شلونكم عيوني
شباب بنات اخباركم يا رب دوم بخير وخاصة الشباب لان البنات اكيد بخير شكو عليهن ههههههه
بس بنات بدون زعل عيني
المهم شوفوا البنية شلون من تحدق وتريد كارت شلون تقشمر الولد وتقفص عليه
البنية دكت مس كول لصاحبهة هوة رجع خابرهة ممصدك بس البنت بس تريد تقفص على الولد لان هية بنت
و تريد تقفص على الولد ب 10 دولارات حق كارت
والولد خطية ينفذلهم اوامرهم لان ما يجي بكلبه انو يضوجهم
فالولد كمش و البنت قفاصة
الفقاصة : الو
الكمش : الو
القفاصة : هلو حبيبي حياتي عمري ( هاي هنا دتصبخ اتعلموا منه يابنات )
الكمش : هلو حبيبتي روحي شلونج ( هوةمصدك)
القفاصة : حبي اني بخير اذا انتة بخير ( طكش طكش همزين منكطع الخط )
الكمش : اشكرج حياتي اني بخير
القفاصة : عمري مشتاقتلك ( دتقشمرة )
الكمش : اني هم مشتاقلج كليبي
القفاصة : لا جذاب انتة متحبني ( وعلى حورج يحبج )
الكمش : عمري والله اموت عليج ليش هيج تكولين ( من كبر لفك ولف حبك )
القفاصة : شنو الي يثبت انت تحبني ( قصدهة علالكارت )
الكمش : يكفي اني عمري كلة كدامج
القفاصة : ( بكلبهة شسوي بعمرك ) اوكي حبي
الكمش : ها رضيتي حياتي
القفاصة : اي
الكمش : الحمد لله
القفاصة : حبي اكو فد شي نسيت اكلك عليه
الكمش : شنو هوة حبي
القفاصة : بابا سافر
الكمش : وين سافر
القفاصة : للخارج ( اي طبعا للخارج هية مالدروب تريد تذكر فد دولة ماكو )
الكمش : وين ليا دولة؟؟؟
القفاصة: لسوريا
الكمش : اي يروح ويرجع بالسلامة
القفاصة : مكتلي ليش سافر
الكمش : ليش حبي؟؟
القفاصة : لان كلش محتاجين فلوس ومدا ندبر عيشتنة وماما باعت ذهبهةوالموبايل مالتهة حتى نطلع فلوس السفر لبابا حال الضيم حالنة هسة ( والله تقهر ياعيني عليج اني من يمي صدكت )
الكمش : حبي لتبجين امسحي دموعج ان شاء الله يتوفق ابوج ويلكة شغلة زينة وتعيشون احسن عيشة
( هوة غير يحس )
القفاصة : حبي اني خايفة لا من تريد تخطبني اهلك ميقبلون لان احنة حالتنةتعبانة
الكمش : وداعتج انتي اذا مقبلو اخذج وننهزم
القفاصة : ( بينهة وبين نفسهة " اي مو خلصوالرياجيل انهزم وياك " ) حبي بس اني اريد اوصلك شي بس ما اعرف شلون وكلش مستحية ( اويلي على المستحة )
الكمش : لا حبي تستحين مني ؟؟؟ اخنكج غير ( عود هوة مسيطر ) كولي حياتي شتريدين
القفاصة : مبقت عدنة فلوس يادوبناكل ونشرب بيهة وبابا صارلة يومين من طالع ومنعرف شنو اخباره
الكمش : اي شي تحتاجين اني بالخدمة ( اي حضرتة لابس عسكرية )
لقفاصة : شكرا حبي .. بس اريد اخابرة وما عندي رصيد دناوشني من يمك كارت ابو 10
**ونهاية القصة الكمش راسا اشترة كارت ابو العشرةودزلهيا بمسج وهية من وصل الكارت كامت تهلهل وتكول قفصت عليه كلليييييييييش
....
بس شنو بدون زعل بنات ترى اشاقه
على اساس احنه منعرف نقفص
هههههههههههههههههه
يالله تحياتي الكمتحياتي علي الياسري
مو دولة العراق واني اكلك ليش
كتلك بلد انتة وما كلت دولة
نثاية الدول كلها وأعرب الاسماء
وتضل بس انتة زلمة بعالمك كلة
علي الياسري (زاعلتيني ومازاعلتج كلمة زغيرة ماسمعتج طكت روحي وما اتحمل موتيني الله يموتج)
الإثنين ديسمبر 24, 2007 10:17 am