تحت شعار
الحدائق جنة الاحلام
تقيم الجمعية الوطنية للحدائق العامة
مؤتمرها الاول
والذي يناقش الاسباب الحديقية عفوا الحقيقية
لانحسار الحدائق العامة و تحولها الى مكبات للنفايات و تجمع المكبسلين و العلاسة
واختفاء الورود و الاشجار و الثيل والزعاطيط مع عوائلهم من هذه الحدايق
ومناقشة الاسباب التي ادت الى ظهور و انتشار مصطلح - حديقة - والذي رافق اختفاء الحدايق العامة من بغداد خصوصا و العراق عموما
وقد انتشر هذا المصطلح بشكل واسع جدا في اوساط الشباب خلال السنتين الماضيتين
وقد صرح احد الحدايق الذين حضروا الى المؤتمر
ان الشباب يستخدمون مصطلح الحديقة في كل جوانب الحياة حتى في التحية و السلام
فاصبح الشباب عندما يقول لصاحبه شكو ماكو
فيجيبه .. والله عيني حديقة
والبعض الاخر عندما يلتقي بصديقه
لا يقول له شلونك صديقي
وانما تحولت الى شلونك حديقي
واضاف مسؤول حدائقي اخر
ان هنالك دراسة موسعة و مستفيضة عن هذا الامر
حول سبب انتشار مثل هذه المصطلحات
مثل مصطلح
فيكة و حاتة و حواسم و كبسلة و علس و تقفيص و و و و و و .. وصولا الى مصطلح
محدق و حديقة
واكد احد كبار الحدايق في معهد تطوير اللغة العربية
ان اساتذة المعهد قرروا ادخال هذا المصطلح الى القواميس والمعاجم الحديقة عفوا الحديثة
حدّق .. يحدق .. تحديقاً
فهو حديقة
وقد اختلفت الاراء حول ماهية الحديقة
ومن هو الشخص الحديقة
ولم يعرف لحد الان سبب هذه التسمية ومصدرها حيث لا توجد علاقة واضحة بين الحديقة بمعناها الحديقي ( الحقيقي ) المتعارف وبين مصطلح الحديقة الحالي
يعني شجاب الدولمة عالجلاق
فهل انت حديقة ؟؟؟؟
* اذا مديت ايدك بجيبك ولكيته فارغ فانت حديقة
* اذا ضيعت نص يومك لازم سرة عالبانزين وتدك بيك الشمس فانت حديقة
* اذا تريد تشعل سخان حتى تغسل ومنتظر الوطنية تشرف فانت حديقة
* اذا مكابل قناة العراقية وتتأمل تسمع خبر صحيح وحقيقي فانت جدا حديقة
* اذا مكابل المسنجر وكاعد تنتظر تفوت( بنية ) تكولك هلو فانت حديقة
* اذا تروح للكلية وتتفرج عالكبلات وانت كاعد وحدك مثل الخبل فانت حديقة
* اذا انت عضو بالبرلمان العراقي وكل يوم تروح تكعد تهفي و تغفي اثناء الجلسات فانت حديقة
* اذا انت طالب مجتهد ومكابل كتبك ومـتامل تنجح دور اول يبووو لك صدك حديقة
* اذا جماعتك طفروا من المحاضرة وانت بقبقت ولزكت بالقاعة تنتظر الاستاذ يجي فانت حديقة
* اذا صاحبتك كلتلك خابرني ولكيت رصيدك يوصوص فأنت حديقة
* اذا كاعد تدز نكت قديمة لجماعتك بالمسنجر وتريد احد يضحك فانت حديقة
* اذا فتت جات عراقي ومتأمل تحجي خاص وية بنية ابشرك انت حديقة
* واذا صارلك ساعة تقرة الخريط مالتي فانت حييييييييييييييل حديقة..هههههههههههههههههههههههههههه
تحياتي علي الياسري
مو دولة العراق واني اكلك ليش
كتلك بلد انتة وما كلت دولة
نثاية الدول كلها وأعرب الاسماء
وتضل بس انتة زلمة بعالمك كلة
علي الياسري (زاعلتيني ومازاعلتج كلمة زغيرة ماسمعتج طكت روحي وما اتحمل موتيني الله يموتج
الجمعة ديسمبر 28, 2007 8:25 am