ليلى والذئب
اكيد كلكم تعرفون قصه ليلى والذئب الي جنه نسمعه واحنه صغار بس هاي قصه جديدة 2007 و ان شاء الله تعجبكم....
ايكلك من كبرت ليلى وطبت صف سادس جانت شاده حيلها (بحبل سري)وتريد تدخل طبيه بس خطيه ليلى مكدرت تغش بالامتحانات والبراشيم المسويته مجتي بالامتحان والمدرس واكف عله راسهه مينطيه مجال تنقل فسوده عليه ليلى مطلعت معدل زين يدخله طبيه بس ليلى كانت مصره على حلمها وطبت كليه الطب البيطري ....
وليش و مو فديوم يجي عليها الذيب ويصارحها ويكله :
الذيب : ( ليلى اني اريد اخذ من وكتج خمس دقايق
وبما ان ليلى كانت كلش كريمه نزعت ساعتها من ايدهها ونطته للذيب فرد الذيب: لالالا مو هيج خمس دقايق يعني اريد احجي وياج بموضوع هام
ليلى : همينه ما خلص حجيك عاد شتريد بيبيتي وماتت يعني بعد ماروحلها وماوديلها كيك من الطاحونه شتريد مني بعد دتشوفني ماشيه بحالي اي دعوفني عاد
الذيب : لا ماتت بيبي (ويكول بقلبه هله صارت هم عروسه وهم ورث)الله يرحمها جانت خوش مريه فتحتلي الباب بسرعه بوكتها حته منو ماكالت
ليلى : فضني شتريد
الذيب : ليلى مو اني من يوم الي شفتج بيه ابيت بيبيتج واني مدانام (البك كتلني)ومدا اتحمل حبيتج من اول بوعه
ليلى: صدقه .. وتريدني اصدك بيك اصلن اني ماعندي ثقه بيك ابد انته قشمرتني واكلت كيكه بيبيتي وتريدني اصدكك
الذيب : ادري انتي هسه دتشكين بيه وباخلاقي بس شسوي اني السويته ويه بيبيتج جان غصب عني اني دكيت الباب واني كلش جوعان وجنت متوقع تطلعلي وحده سمينه وحلوه حته تصير هم عشه وهم دسم وطيب بس من شفت بيبيتج تفتجأة ممتوقع تطلعلي وحده نواشف
ليلى : زين ومن قشمرت عليه بكلامك تذكره لو اذكرك
الذيب : لا والله ماتذكر بيومه جان بالي يم الكيك .. يا كيك
ليلى : من كتلك اشو عيونك كبار تكلي حته اشوفج زين .. خشمك جبير .. حته اشتم ريحتج زين .. حلكك جبير حته اعلف زين
الذيب : والله حقج بكلشي واني هسه حوضحلج كلشي عيوني جانت جبيره لان ابويه صيني وامي كرديه .. اما خشمي فبصراحه جنت العب بي هوايه واني صغير فتمدد بالحراره وانتضرت الشتاء حته ينكمش بس ماكو بالعراق شته كله حر فبقه خشمي هيج اما حلكي فهاي مو صوجي صوج الطبيب الجابني للدنيه جانت ولادتي متعسره وجرني من حلكي وتدرين ابويهmade in chinaفجولك حلكي من الطفوله
ليلى : هسه شتريد مني
الذيب : ليلى اني احبج واريد اتزوجج ونجيب ولد واسمي (لواء) ..
ليلى : شنو بابه شتسمي
الذيب : لواء .. شبيج حته يصيحوه لواءالذيب
ليلى : واني ماريدك وميعجبني ارتبط بواحد مثلك انته مو من مستوايه
الذيب : ليش شبيه .. اشو حيوان وابن حيوان مفترس ماكل بس لحم و حوسمت الزوراء كلها مبقيت شي بحديقه الحيوان ماخذته اصلن اني هسه عنديzooخاصه بيه
ليلى : حته لو تصير ابن الجلبي .. اني لو اتزوج قيس لو كاظم الساهر
الذيب :قيس شنو هذا من الجاهليه يعني بعده طفل .. ثانيا كاظم الساهر منين يباوع عليج
ليلى : لك قيس المعاجبك ابو القصائد و كاظم الساهر يموت عليه حته غنه اغنيه عله مودي اسمها انا وليلى
الذيب :اي اني هم شاعر وهم اغني مسامعه اغنيتي بستار اكادمي :
زعطوط جنت وانتي هم زعطوطه وحبنه كبر بحركات الزعاطيط
اني اغمز وانتي تكولين طيط
وبين النجمه والكمر
كبر حبنه وازدهر
لعيونج يا ليلىاعوي وقت الظهر
اما عن اشعاري فهم اطربج بيهه
نزرع سمج بالكاع نحصدجكاير خلف الله عل تمساح شكرا جزيلا
ليلى: بدت تقتنع وكالتله انطيني مهله افكر ...
الله يوفقهم ويسر زواجهم
تحياتي علي الياسري
مو دولة العراق واني اكلك ليش
كتلك بلد انتة وما كلت دولة
نثاية الدول كلها وأعرب الاسماء
وتضل بس انتة زلمة بعالمك كلة
علي الياسري (زاعلتيني ومازاعلتج كلمة زغيرة ماسمعتج طكت روحي وما اتحمل موتيني الله يموتج
الجمعة ديسمبر 28, 2007 9:11 am
