السلام عليكم .....
شباب بالبداية نكول الله يرحمهم الشهداء الي راحوا بتفجيرات المستنصرية هذه قصيدة القاها الشاعر (عماد الناصري)طبعا اذا تعرفوا بالمناسبة اني اثرت بيه هواي (بجتني)
ذوله طيور مالك فجرتهم ليش ..................... وحمامات السلامه شبيك تذبحهن
ذيج الناس تزرع بالحديقه ورود ..................... واحنه بمقبره الوردات نزرعهن
مثل شدة ورد واطشرن على الكاع ...............ولان ميت ضميرك ردت تسحقهن
ذني ورود جنه وبارض بغداد.........................ما تعرف تشمهن ليش تكطعهن
مسيحيات ماتن بس عراقيات .......................ولان ميت ضميرك ردت تسحكهن
اشك الفجروهن مو عراقيين .......................اوهام على الحقيقه وردت ارهمهن
بس موقف هضمني وهز ضمير الكون ...............واحد دنت نفسه وباك معضدهن
انه الجنت يمهن شاهد اعلى الصار...................شك زيج الرصيف وضم كصايبهن
انحنه شايب عليهن جسمه كله جروح ..............طلع هذا العراقي يصير والدهن
صرخ ذني بناتي امكشفات اشلون .................جيب الخارطه يحسين نسترهن
خرز من نور ذني اشلون منظومات ..................دمهن خيط نور والله لاظمهن
ذني اجمل كلاده بركبت التاريخ .....................وبصدره العراق نواط علكهن
ولا جيت لهواجس مثل بعض الناس.................هواجس هيه جتني وراد انصفهن
صوره ابطن صوره اتعب الرسام ....................لكن عيب اتعب وانه شاعرهن
موش بقطعه سوده ونكتب استنكار................لازم قطعه بيضه اتكون ربطتهن
امهن تنتظرهن عينه على الباب ..................وبس تابوت اجاه شلون حال امهن
عزرائيل يمهن لحظة التفجير ......................خجل من شاف ظلهن كام يسترهن
انته والجابوك ما اكول اجلاب .....................ما ترضه الجلاب العار يلحكهن
تحياتي علي الياسري
مو دولة العراق واني اكلك ليش
كتلك بلد انتة وما كلت دولة
نثاية الدول كلها وأعرب الاسماء
وتضل بس انتة زلمة بعالمك كلة
علي الياسري (زاعلتيني ومازاعلتج كلمة زغيرة ماسمعتج طكت روحي وما اتحمل موتيني الله يموتج)
الجمعة يناير 18, 2008 7:15 am