فقد الحذاء المرقم 41 فعلى من يعثر عليه تسليمه الى اقرب اسكاف

كان يوم كباقي الايام .

*هاون من الصبح فززني وطير النومه

*اريد اغسل وماكو مي

*اريد اشسور وماكو كهرباء

*اريد اسوي الجاي وماكو غاز

*الريوك بس دبس وراشي

*انتظرت الخط ومااجه

*اخذت تكسي وبده يحجي ابمواضيع سياسيه ويدردم

*وصلت للجامعه وطلعت ناسي الهويه

.................................................. .................................................. ...................

وكان الاختلاف الوحيد انه جنت ابحاله غريبه من النشاط مدري ليش دااحس ابسعاده بله سبب . يمكن لان عندي امتحان وكلش مسيطر ومدبرها . ومتصدكون مدى صعوبه هذا الامتحان بحيث للفجر اني كاعد ……..دااباوع حفله مال مس لبنون (استغفر الله).

وبعد دخولي الجامعه من الباب الجانبي .حسيت بنسيم الهواء المنعش والوان الطبيعه الخلابه . اللللللله شكد حلوه الحياة. فكنت كالفراشه اتنقل من كاشيه الى كاشيه في طريقي للوصول الى قسمي العزيز وانا اغني.....

…. ياااااااااي من سحر عيونو ونزراتو…..

وامشي واكمز بكل برائه وجانت الجامعه فارغه الصبح فماخذ راحتي . فيه هذه اللحظات حسيت نفسي طالب مثالي .فهاهي البراشيم في يدي اليسرى وباكيت الجكاير في اليمنى... اهووووو نسيت القلم يله عود اطلب.
ونظرت بفرحه كبيره وبسعاده هائله الى البراشيم لاتاكد من ترتيبها حسب الحروف الابجديه ...لتسهيل عمليه النقل والسرعه في الاداء ولمنع حدوث أي خرق امني اثناء الامتحان
وفي خضم هذه المشاعر المتدفقه حدثت المفاجعععه......

.

.

..

جرررررررررررررررررررررررررررررررررررب

.

.

.

ماادري اذا شايفين المنهوله الموجوده بنص الطريق يم الجملونات..... عززززززه لتكلولي محد واكع بيها ... للمره الثالثه على التوالي انسه مكانها واجفص بيها...
.

اووووووويلي يابه ......ااااااااااااااااااخ يمه

.

بس جانت وكعه غير الوكعات .ادمرت بمعنى الكلمه بحيث اريد اطلع ومااكدر. الله ستر الله ستر.. طلاب الجامعه نشيطين الحمدلله ومحد يجي قبل الثمانيه ونص وجانت التكنلوجيه فارغه ومحد شافني ابهاي الوضعيه المحرجه ....الحمدلله. وره مكلت هاي الجمله بلذات.. سسمعت صوت ضحكه نازكه لمجموعه حاتات سعيدين ..(مثل مجنت قبل شويه) واستمر هذه الضحكات بلاقتراب ....كلت أي طبعا حتى تكمل.

.

عززززززه هسه شنون ...

.

فكلت خلي ادنك وانزل جوه بلبلوعه حتى ميشوفوني ..بعدين كلت لا هيه هاي سوايا لازم اطلع .. وطبعا الراشي انطاني طاقه وشغلت (فور ويل درايف)... ووالحمدلله بلثواني الاخيره في اللحظات الحاسمه كدرت اطلع وكمت امشي بسرعه حتى ابتعد عن المنهوله لانفي أي علاقه يمكن تربطني بيها. و حتى البراشيم عفتها متناثره حول الموقع علساس يعني محد وكع هنا . وحاولت قدر الامكان ان امشي مشيه طبيعيه وان انسى الموضوع وماكو داعي للضوجه يله سلامات ومحد راح ينتبه وهسه اوصل للمعماري وارتب روحي.... وكأن شئ لم يحدث.. ماكو داعي للضوجه...كافي بعد هاي هيه انته الموضوع وصار من الماااااااااااااااااضي بس هاي شنوووو لا والله..............

.

..عززززه...عززززه.......عزززززه

.

وكانت المفاجئععععععععععه الكبرى

.

الكارثه المأساه

.

اكتشفت انه اني داامشي

.

.

.

.

.

.

.

.

بتك حذاااااااااااااااااااااااااااااااااااااااااااااااا ااااااااااااااااااااااء

.

.

.

دااكول اصابيعي بردانه...همزين جانت جواريبي ممشكوكه ولا جان صرت سينما ولو بعد صرت. والمشكله اني اكتشفت هاي الشغله من وصلت يم ازدحام مكتبه عروه الورد. لااكدر اكمل القسم المعماري ولا اكدر ارجع للمنهوله .ومااكللكم اشكد اشتهرت ابذيج المنطقه....وكاموا يسموني هذا ابو الجواريب الزركه شكد فشله.

واخيرا.......ارجوكم ارجوكم ارجوكم..... امانه في اعناقكم أي واحد يوكع ابهل منهوله يدورلي على حذائي..بس هوه يرهم ويه الرباط .

........................................

وفي هذه المناسبه السعيده احب ان امدح (اتلووك) الى حمله الاعمار الفضيعه الي اتمر بيها الجامعه والتغيرااات المذهله والحدائق الواسعه وتطوير الاقسام والواجهات والسنتر والباب الرئيسي والملعب والشلال والتماثيل والخيم....بس يبقى السؤال الي يبطح نفسه منجطلا بلكاع.....
.

.

يعني وره كل هاي الانجازات ماعدكم فد قبغ منهوله زايد

.

.

عفيه بسررررررعه

.

.

.

مو خلصت احذيتي

[/size]

ههههههههههههههههه

تعال من يم الكليه اشتري هع هع هع

تحياتي الك حبي
thelord

شكرا حبي حمادة على اسرع رد طبعا ما صارلي دقيقة من نزلت الموضوع وانت رديت عليه تسلم يا ورد

تدلل حبي

اني شعندي لاشغل ولا عمل

مكابل النت ورتي الوفيه (الحاسبه) ههههههه

تحياتي
thelord

ههههههههههههههههههه
ليش هيج مجنت اعرف جان لمينا من المنتدى ع ربع واشترينالك واحد دكول من اول وكعه ءءءء
تسلم عالموضوع الحلوووو
دمت بتقدم

شكرا عسولة على الكلام الحلو يا عسولة

مبدع عدد الرسائل : 531 تاريخ التسجيل : 29/11/2007

خطيييييييييييييييييييية
بس صدك اللة عليك صاير بيك هيجي موقف
خطية شلون فشلة؟؟؟؟؟؟